आमा भन्नुहुन्छ : कहिल्यै हार नखानु

आमा जीवनकी स्रष्टा हुन्। आमा धर्ती हुन् जसले बीजलाई आफ्नो गर्भमा राखेर जीवन अंकुराउँछिन्। मेरी आमा पनि मेरा लागि कथाकाररूपी स्रष्टा हुन्, जसले एउटा कथाका रूपमा मेरो सिर्जना गरेकी छिन्। जब मैले आमालाई अनुभूति गर्न पाएँ, मेरा लागि सधैं स्नेहशील, ममतामयी र मेरा हरेक सुखदुःखमा साथ दिने साथीका उहाँलाई रूपमा भेट्टाएँ। एक्लो छोरा भएकाले पनि होला मेरी आमा मप्रति विशेष संवेदनशील हुनुहुन्छ।

बाल्यकालदेखि अहिलेसम्म मप्रतिको मेरी आमाको व्यवहारमा कुनै परिवर्तन छैन। म अहिले पनि आमाका लागि काखमा लुटुक्क निदाउने बालक हुँ। मेरी आमाको जीवन संघर्षमय छ। मेरी आमाको संघर्षको कहानी भन्ने हो भने जो कोहिको पनि आखाबाट आँसु झर्नेछ। धेरै आमाहरुले यस्तै संघर्ष गरेर सन्तानलाई हुर्काएका हुन्छन् । मेरी आमाका लागि त यो आजको दिन अर्को जुनी जस्तै लाग्छ होला। जब मेरी आमाको अनुहारमा निरासापन देख्छु अनि मेरो दिन नै मुड अफ हुन्छ । आमालाई घरमा नदेख्दा नरमाइलो लाग्छ, घर उजाड र सुनसान लाग्छ। आमा नहुँदा घरमा केही अधूरो अपूरो भएझैं लाग्छ।

बाल्यकालदेखि अहिलेसम्म उहाँकै कथा सुनेर हुर्किए । मेरो सबैभन्दा ठूलो प्रशंसक भनेकै मेरी आमा हुनुहुन्छ। मेरी आमाले गरेका हरेक निर्णयमा मलाई सन्तुष्टि मिल्छ। जब मैले केही राम्रो कार्य गरेर मेरी आमाको अनुहारमा खुसी ल्याउन सक्छु नि, त्यति बेला म आफूलाई नै बिर्सन्छु । आफूले गरेको दु:ख कष्ट सम्पूर्ण मेरो दिमागबाट हट्छ र म मेरी आमासँगै रमाउने गर्छु ।

आमा शब्दको परिभाषा दिन गाह्रो छ । मेरी आमा मेरा लागि भगवान् हुनुहुन्छ । अरूलाई राम्रो गरे आफूलाई पनि राम्रो हुन्छ र जीवनमा जस्तोसुकै कठिन परिस्थिति आए पनि कहिलै हार खानु हुदैन भन्ने कुरा मैले उहाँबाट सिकेकी हुँ। सहनशील र हरेक परिस्थितिमा धैर्य गर्न सक्ने उहाँको क्षमता अवर्णनीय छ। म बाचा गर्छु मेरी आमाको आँखामा कहिल्यै आँसु आउन दिने छैन । चाहे जस्तोसुकै अप्ठ्यारो परिस्थिति सङ पनि लडाइँ गर्न नै किन नपरोस्। आजसम्म कहि कतै केही गल्ती भए होलान् तर पनि हजुरकै सानो चन्चले, चुलबुले र कच्चा छोरा सम्झेर माफ गर्दिनुहोला मेरी आमा ।